Sports Summary in Pidgin English of Match Day 5 of the Fifa World Cup Russia 2018

 

Greetings my gud people of Warriorry that intro too dey official

Sorry that intro too dey official… Make I do the legit one. Area!!! .I hail una.how the monday go naa.. Hope everything legit for una side. Because no matter how e be ogoro must jump o, lizard must nod head and foul levels must open if breeze blow so make una dey coole.. Before we bring una Russia update i wan tell una one story.. Y e be say Warri be like tortoise wen nor dey commot story.. If casala burst for one side dem must finger one or two warri bred for the marrar..If u dey look for who to carry go threaten person dem must recommend warri bred for you. Even wen we dey school that year anybody wen get bad mouth na warri bred.. Maybe na our own national identity be that like d way na only Ibo people like money or every hausa person na aboki or na only calabar people dey chop dog.. I nor fit laugh ooo.. Just imagine..Dem say dog na man bestfriend..So calabar bred dey flex our best friends on a steady without conscience…No shakings sha

 

This world cup don dey get one pattern.. Every match day now dem must get at least one pena. Then African teams go struggle till dying minute dem go allow their opponent score.. Our remaining hope to win or draw at least na senegal.. Na three matches dem play today.. No draw today..seven goals scored.

Sweden 1:0 South korea

 

Sweden 1:0 South Korea

 

 

Sweden nor carry Ibracadabra go tbe world cup so we nor expect much magic from them.. Na one pena dem score na so d game end. All these korea people sef me i dey wonder if dem dey see with their sleep eyes..

 

Belgium 3:0 Panama

 

Belgium 3:0 Panama

 

The red devils dey brutal for the match. Lukaku score two goals out of three and from starting to end panama nor threaten at all. The game end for 3-0

The red devils dey brutal for the match. Lukaku score two goals out of three and from starting to end panama nor threaten at all. The game end for 3-0

England vs Tunisia

 

Tunisia 1:2 England

 

Na kane cane Tunisia for this match.. Kane score for England first before Tunisia go equalize as if dem wan win the match.. injury time com reach wen we don dey ready to celebrate Africa first point for the tournament kane go score again.. I weak…Hopefully senegal go deliver tomorrow

 

We go continue with our postmatch summary of matches in langua tomorrow.Make una follow us for naosusu.com on a steady…. We hail o

Please follow and like us:

Leave a Reply

Your email address will not be published. Required fields are marked *

Skip to toolbar