Breaking News

Fifa World Cup Post Match Summary Updates In Pidgin English

Antonne Griezmann Penalty



My people. How una dey.. This na Russia 2018 postmatch update direct from our maosusu studio in Russia.. Make una nor vex for the delay, pneumonia hold our people for dat side so we con package peppersoup go give them.


Na four matches dem play today with 8 goals scored only one nor end for win..dem give Five penalties today.3 enter two miss


France vs Australia

France 2:1 Australia


France first score with ojoro pena before umtiti forget say na football nor be handball e dey play go cause pena wen Australia take score…The two teams do gragra before barbing legend pogba score to end d game 2-1


Argentina vs Iceland


Argentina 1:1 Iceland




Dem suppose change their name from Iceland to Hotland because those players nor get joy.. Na five people dey mark Messi confuse brus sotey e con miss pena.. D game end for 1-1 draw


Denmark vs Peru.. Na the two keepers get doings for this game..Denmark dey win 1-o before peru com miss pena.. Na so the game take end

Naija vs Croatia


Croatia Vs Nigeria



Hmmmm… Na wa… Wen super eagles go stop to give us bp.. The game nor get pattern at all..According to my paale na police football we watch for 90 minutes..Croatia nor even good sef.. Na one kind pena and own goal na dem take score

we still dey wait for the first African team wen go get at least one point… The first two lose 1-0 each but Naija as giant of Africa must get d biggest lose.2-0


Make una continue to follow us for all the post match summaries in pidgin langua live from repping the great city of Waffi aka Warri..

Please follow and like us:

2 thoughts on “Fifa World Cup Post Match Summary Updates In Pidgin English

  1. I was recommended this web site by means of my cousin. I am no longer sure whether this post is written by him as nobody else realize such designated about my problem. You’re wonderful! Thanks!

Leave a Reply

Your email address will not be published. Required fields are marked *