It haff tey oooooooooooo….
But una know the matters naaaa…
Na the hustle hide us oo.
But still on still na patient person dey know say Agbalumo fit turn to chewing gum.
Back to our present tense, E get one matter I dey try reason.
I don dey think dey come for the past 3-4 weeks…
Presido and him gang dey always shock us with different update..
If govt nor dey increase fuel price then na covid-19 scam or loan collection from China, or na #Endsars matter when dem nor dey pay attention to
But make we imagine the reaction if Govt say make every family go for DNA testing…..
2 seconds everywhere burst go be child’s play for the reaction wen go set oooooo… Na DNA palava go scatter everywhere be that o.
Just imagine say for example Dem come find out say na another man born the king of your village or say Your pastor and im senior son nor get matching DNA ..
The country go turn upside down I swear down… because of DNA palava
Almost all the families go get crisis..
The country go just scatter from there…
Na that time we go hear say some people nor get Naija DNA, say na Mali or Chad DNA dey their body…I nor mention names oooooo….
DNA palava go turn to breaking news every minute